On air

Now: Nkhomaliro |Next 13:00: TV Islam News

--:--CAT
Watch live

News

Gulu la Concerned Citizens of Malawi-People Power Movement Lalepheletsa Zionetsero

Gulu la Concerned Citizens of Malawi-People Power Movement lalepheletsa zionetsero zimene linakomza Lachiwiri pa 17 November, 2026.

Wapampando wa gululi, Edwards Kambanje, watsimikiza izi pa msokhano wa atolankhani ku Blantyre.

Gululi linalengeza masiku apitawo kuti lichita zionetsero m'maboma a Blantyre, Zomba, Mzuzu ndi Lilongwe, poonetsa mkwiyo ndikusayenda kwa zinthu.

Mlembi wa mkulu wagululi, Prince Mattaka, anatsindikanso mu pologalamu ya Pambalambanda pa TVI kuti palibe kusintha kulikonse, ngakhale zokambirana zinali kupitilira kuchitika ndi adindo pofuna kupeza mayankho ku mavuto a kuzimazima kwa magetsi, kusowa kwa mafuta ndi kusowa kwa ndalama zakunja.

Koma poyankhula ndi atolankhani, a Kambanje ati aimitsa zionetserozi pofuna kupereka mpata ku zokambirana ndi unduna wa zamagetsi komanso bungwe la ESCOM omwe  atsimikiza kuti vutoli likomzedwa msanga.

Pakadalipano, gululi lachenjeza mabungwe ndi magulu a anthu omwe anakonza zipolowe pazionetserozi kuti asagwilitse ntchito dzina la Concerned Citizens - People Power Movement.

Komabe a Kambanje ati ngati mavutowa sakomzedwa, gulu lawo lidzakonzanso zionetsero pofuna kuti adindo asamangoyang'anira nzika za dziko lino zikuzumzika.

Keep reading

More news

All news →
Advertise on TV Islam

Grow your brand. Reach your audience.

Advertise on TV Islam: on television across Malawi, on Facebook Live and on YouTube.

Call+265 999 345 786
+265 888 345 786
Emailstation.manager@tvislam.mw
VisitGlobal House, Second Floor
Raynor Avenue, Limbe
WriteP.O. Box 5866
Limbe, Malawi